Negociatat e djeshme mes palëve politike në vend nuk sollën asgjë konkrete. Marrëveshjet me ndërmjetësimin e dy eurokomisionerëve David McAllister dhe Fleckenstein nuk mundën ta çonin vendin drejt një rruge stabiliteti.
Opozita kishte një kërkesë të paneociushme siç ishte ajo e qeverisë teknike. Pavarësisht se në draftin e propozuar nga ndërkombëtarët paraqiteshin disa lëshime për opozitën Basha nuk u tërhoq nga e tija.
Po çfarë parashikonte drafti:
-Kreu i KQZ—së t’i lihej opozitës
-Shtyrja e datës së zgjedhjeve derimë 16 korrik
-Ndërrimi i drejtorëve të policisë në qarqe
-Disa vende në qeveri për ministra nga opozita.
Basha foli menjëherë pas përfundimit të takimit te Pallati i Kongreseve dhe takimin me ish-kryeministrin Berisha. Nga çadra ai njoftoi lajmin se marrëveshja nuk ishte arritur.
Nga ana tjetër Rama përmes një statusi në ‘Facebook’ shkroi se opozita nuk kishte pranuar që të pranonte ligjin më të rëndëishëm, atë të Vettingut.
Derimë tani ka një personazh që ende nuk është shprehur dhe ai është kreu i LSI-së dhe Kuvendit Meta. Edhe pse ai ishte i pari që kërkoi këto negociata, dështimi i tyre padyshim që e vë përpara një zgjedhjeje të vështirë, në cilën anë të rreshtohet.
Para disa ditësh Meta deklaronte se zgjedhje pa opozitën nuk do të ketë dhe koalicioni me PS-në do të konfirmohej vetëm kur të arrihej që PD të futej në zgjedhje.
LSI-së i mbetet tashmë ose të zgjedhë dhe ajo të mos futet në zgjedhje dhe të mos legjitimojë votimet, ose ta çojë vendin edhe më shumë drejt zhdukjes së opozitës.
Për të parë qëndrimin e tij na mbetet të presim, ndoshta do të ketë një deklaratë që sot. Çdo ditë më shumë është kohë e humbur për vendin. (E.K/SHUPLAKA)
Discussion about this post