Analisti Fatos Lubonja, i ftuar në rubrikën “Opinion”, në “News 24” është shprehur se plazhet shqiptare po masakrohen për interesa personale të personave.
Sipas tij të korruptua e kanë shfrytëzuar territorin shqiptar për t’u pasuruar në mënyrë të shpejtë.
“Prioritet kryesor i kastës, klasës politike, lidhjes biznes- media- pushtet- politike që përfaqëson kjo kastë, ka pasur pasurimin personal në dëm të pasurisë publike dhe kjo është shfaqur në të gjitha aspektet, por në mënyrë dramatike edhe në turizëm. Ishte nje pjesazh aq i pasur, ishte një pasuri kulturore, kishte lumenj të mrekullueshëm, të pastër, pyje, kishte një det të virgjër, e gjithe kjo pasuri që duhet trajtuar sibthesar edhe në kuptimin e shqiptarëve, pra turizmit të brendshëm, u trajtua me atë terminologjinë e një biznesi që italianët e quajnë “ha dhe ik”, si kafsha që merr për vete dhe s’ka rëndësi si e lë pas. Prioriteti është pasurimi privat dhe i shpejtë, thanë fshat turistik, por fshat turistik domethene ndërtoj qendër turistike, vijnë turistët paguajnë dhe nga këto pagesa fiton ai që e menaxhom, po paguan taksa. I morën i privatizuan plazhet, i bënë pika vilash për njerëz të pasur, trafikantë, intelektualë të shitur, politikanë të korruptuar, investim që nuk gjeneron asgjë. Ta përdorësh terrenin për pasurim të shpejtë që kulmin e vet e ka te pastrimi i parave të pista, domethene thone qe mua s’më intereson asgjë por që ky trafikanti që vjen më jep mua rryshfet do të ndërtojë një hotel të tmerrshëm…dhe këtu shkatërrohet terreni, kjo filozofi shfaqet në të gjitha aspektet”,u shpreh Lubonja.
(S.SH/Shuplaka)
Discussion about this post