Është shkarkuar nga detyra prokurorja e apelit të Shkodrës Besa Nikëhasani. Ky ka qenë vendimi i sotëm i dhënë nga ana e KPK-së.
Gjatë dhenies së vendimit ka pasur dhe një nxehje gjakrash nga ana e prokurores, e cila ishte vetë e pranishme në sallë kur u dha vendimi.
Ajo ka duartokitur në mënyrë ironike dhe është kapur me një nga gjyqtaret. Ajo mësohet të jetë shprehur se ky vendim ka qenë i padrejtë.
Nikëhasani i shtohet listës së gjyqtarëve dhe prokurorëve që nuk kanë mundur t’i mbijetojnë dot Vetingut. Edhe për Nikëhasanin shkak i shkarkimit është bërë mosjustifikimi i pasurisë.
Siç u bë e ditur edhe më herët nga ILDKPKI, prokurorja e ka vendosur pasurinë në mënyrë të ligjshme, por KPK shprehet se pas verifikimit rezultoi se Besa Nikëhasani nuk justifikon dy apartamente, dy garazhe dhe një makinë fuoristradë Toytota Landcrusie me vlerë rreth 20 mijë euro. Një nga apartamentet e prokurores që nuk justifikohet ndodhet në Tiranë, tjetri në Lezhë.
Po sipas Nikëhasanit apartamenti është blerë me paratë e shitjes së 10 dynumëve tokë nga ana e bashkëshortit të saj, ndërsa makinën e ka blerë për shkak se i kanë vendosur tritol, dhe disa herë kanë tentuar ti shkaktojnë aksident me makinën tip golf.
“ILDKPI-ja më ka nxjerrë në rregull me të gjitha letrat, që në 2004-trën unë e kam deklaruar banesën që kam në Lezhë. Ky vendim është i padrejtë, lekët që kishte burri nga shitja e 10 dynumëve, ku i çova unë? Të shkoj deri te zoti dhe në hënë, më gjeni një rast të vetëm ku unë kam qenë e korruptuar, një të vetme.
Nuk e kam shkelur njëherë të vetme ligjin, kam 14 vite që shkoj nga Tirana në Shkodër, po të isha e korruptuar, kisha ardh si të tënë këtu në Tiranë. Kam përfaqësuar shtetin për 43 vrasje në një vit, i jam përkushtuar punës duke lënë fëmijët e mijë që të rriten vetëm.
Më kanë vënë tritol te shpija dhe te makina, shteti s’më ka thënë asnjëherë që të më ndihmojë, qoftë edhe me transportin”, u shpreh prokurorja për mediat.
(E.K/FAXWEB.AL)
