Të shtëna me armë në Shkodër, arrestohet autori (Emri)

Të shtëna me armë janë regjistruar pak minuta më parë në qytetin e Shkodrës.

Nga të shtënat nuk raportohen persona të lënduar, ndërsa për rastin policia ka arrestuar si autor një 20 vjeçar i identifikuar si Petrit Isai.

Ngjarja është shënuar pranë konviktit të shkollës së Veterinarisë, ku Isai ka shtënë me armë përballë banesës së tij.
Burime bëjnë me dije se 20 vjeçari ka bërë rezistencë duke tentuar të largohet forcave të policisë, mirëpo gjatë tentativës ka mbetur i lënduar duke thyer këmbën.

Sipas burimeve Isaj ishte i pirë në momentin e ngjarjes, ndërsa gjatë kontrollit policia ka sekuestruar armën e zjarrit tip pistolet.

(B.L/FAXWEB.AL)