Të shtëna me armë në Vlorë, një i plagosur me urgjencë drejt spitalit

Një ngjarje e rëndë raportohet të ketë ndodhur në Vlorë.

Sipas informacineve të para mësohet se në lagjen “Skelë” të Vlorës, janë dëgjuar disa të shtëna me armë, nga të cilat ka mbetur i plagosur një person.

Të njëjtat burime bëjnë me dije se i plagosuri është shtetasi me inicialet B.B., i cili është plagosur në këmbën e djathtë, ndërsa ngjarja ka ndodhur në lulishten e universitetit Ismail Qemali.

Ende nuk dihen shkaqet dhe rrethanat në të cilat ka ndodhur ngjarja, ndërsa policia po punon për zbardhjen e plotë të saj.

Në njoftimin paraprak të policisë thuhet se ngjarja dyshohet të ketë ndodhur për motive banale, ndërsa është identifikuar autori i cili është në ndjekje nga policia.

Njoftimi i policisë: 

Vlorë

Informacion paraprak

Më datë 06.11.2018, në orën 19:45, në Spitalin Rajonal Vlorë ka shkuar një person i cili dyshohet të jetë plagosur me armë zjarri.

Policia ka filluar menjëherë hetimet në lidhje me ngjarjen dhe nga veprimet paraprake ka zbuluar se në zonën e Skelës në lulishten pas universitetit është plagusur në këmbë dyshohet me armë zjarri shtetasi B.B, 18 vjeç, në gjendje shëndetësore jashtë rrezikut për jetën.

Policia ka identifikuar autorin dhe është vënë në ndjekie të tij.

Dyshohet se ngjarja ka ndodhur për motive të dobëta midis dy të rinjve.

Vazhdojnë hetimet për sqarimin e rrethanave të ngjarjes dhe dokumentimin e plotë të saj.

(B.B/ Faxweb.al)