Shembja e Teatrit Kombëtar vazhdon të jetë kryefjala edhe për këtë ditë. Portali Politko.al, ka organizuar një tryezë të rrumbullakët ditën e sotme, ku kanë marr pjesë njerëz të medias, gazetarë, analistë, si një tentativë për të mbledhur gjithë komunitetin artistik.
I ftuar në studion e Fax News, ka qenë gazetari Alfred Lela, i cili ka folur me organizimin e kësaj tryeze.
Në fjalën e tij Lela tha se kjo ishte një mënyrë për të dhënë një shtysë, duke mbledhur disa personazhe të rëndësishëm të fushave të ndryshme.
“Për ti dhënë një shtysë protestës, për artistët, qyetarëve, njerëzve të plotikës, për të hedhur një dirtë mbi këtë çështje”, ka thënë ai.
Lela nënvizoi se nesër është finalja e protestës.“ Di që nesër është finalaj e kësaj proteste, para Kuvendit në orën 10.00, do të vazhdojë edhe sonte protesta në vendin e përhershëm. Shpresoj që kjo e jona të ketë qenë një shkëndi, në vazhdën e një zjarri që duam të ndezim, që njerzit ta shohin.”Gazetari tha se po përpiqemi të japim mesazhin, që diçka nuk shkon në këtë projektligj.
Sa ndikim do të kenë protestat te maxhoranca?
“Duhet thënë një gjë, që protesta nuk kanë qenë sasiore, pasi teatri nuk është i sasisë, që ndiqet. Pra teatrti nuk është tallavaja e përditshme. Duke qenë se kanë qenë pjesë elita e këtij vendi, kjo ka rëndësi të madhe. Pasi ka njerëz të spikatur”.
Sa e ka mbështur Parta Demokratike këtë çështje?
“Partia Demokaratike e ka mbështetur në fakt në mënyrë pasive, jo në mënyrë aktive. Edhe aktivistët nuk e kanë dashur drejtpërdrejt angazhimin e opoztës, prej frikës, se do të shihej si poltike”, tha ai.
Përsa i përket pyetjes nëse do të ketë konfrontim fizik ditën e nesërme, Lela tha se nuk e mbështet përplasjen fizike, por përplasjen e ideve
“Nuk duhet ta prishim se është e vjetër, sepse i bie të vrasim gjyshërit, se po na duken të vjetër nga rrudhat. Ato janë ndërtesa të cilat kanë mbijetuar prej 7-8 dekadave.”
Nëse miratohet cfarë do të ndodhë?
“Mendoj se do të miratohet, nuk do të ndalen, sepse logjika pas akteve që kanë çuar tek e nesërmja, të shpie aty. Ka pasur kaq shumë hile dhe kaq paburrëri nga ana e maxhorancës, sa është për të vënë duart në kokë. Ka mungesë transparence, mungesë dëgjese. Nuk ka bërë një dëgjesë me ata që duhen. Rama do të bëj një dëgjesë me arogancën. Ndërsa përsa i përket dëgjesave të Veliajt, ato nuk kanë qenë të tilla. Të takosh tre aktorë të bësh një foto, nuk është dëgjesë.”
Gjithashtu gazetari tha se presidenti Meta është një shpresë e madhe. “Presidenti është shpresë, mbetet një prej dyreve të shpresës, pasi jemi dhe në një lojë kohe. Është edhe frika e artikuluar mes aktivistëve, ku pritet që në gusht të braktiset Tirana dhe të shembet teatri. Mund të ndodh që aktivistët të ngujohen, duke mos e prishur dot teatrin.”
Qyetarët janë shumë të përfshirë në këtë çështje?
“Nuk medojë se është tek numri, pasi është sikur romanet e mira klasik të cilët nuk blihen masivisht, të mos botohen. Ose muzika, i bie që muzika e mirë të mos dëgjohet dhe të dëgjohet vetëm tallavaja. Pasi shteti këtë po bën.Sheteti është mbirmbajtës i këtij thelbi, kultivimi i gjërave jo me shumë vlerë.”
Në lidhje me pyetjen nëse ndërtohet teatri i ri, cfarë humbet dhe fiton Tirana, gazetari tha nuk fiton asgjë. “Nuk fiton asgjë, pasi humbet gjithë arktiektura, e gjithë ajo që çdo kush nga ne, e mbanë mend Tiranën, e identifikon atë. Qytetit i ikën një lloj kuptim, një lloj shie. Gjëja më e lehtë është të konurosh me beton.Shqiptarët nuk duhet ta lejojën”, përfundoi Lela.
(E.V/Faxweb.al)
Discussion about this post