Rritja e tensionve mes Kosovës dhe Serbisë është konsideruar ditët e fundit në media si rrezik për lindjen e një konflikti të ri në Ballkan.
Por për ambasadorin britanik në Kosovë Ruairi O’ Connell kjo nuk a gjasa që të ndodhë.
Ambasadori ka folur për Radio Kosovën dukë thënë se “nuk beson që këto tensione mund të sjellin një konflikt të ri”.
Sipas tij, duhet shkuar përpara me parimin e zgjidhjes së problemit sipas dialogut, duke marrë si shembull pozitiv takimin në Bruksel të presidentëve dhe kryeministrave të Kosovës.
“Mua më vjen mirë që ata janë pajtuar, me sa di unë, që t’i zbusin tensionet dhe kjo është me rëndësi. Pra këto dy çështje, muri dhe treni, kanë ngritur tensione në Kosovë, por le të mendojmë më gjatë, përse ka një situatë të tillë në Kosovë që lejon këto çështje të vogla, siç janë ndërtimi i një muri por pa leje dhe me qëllime të dyshimta dhe hyrja e një treni që mund të shkaktojnë tensione të tilla”, tha ambasadori.
O’ Connell ka sugjeruar që të punohet në normalizimin e marrëdhënieve mes Kosovës dhe Serbisë dhe përmirësimin e lidhjeve mes dy komuniteteve. (A.H/SHUPLAKA)
Discussion about this post