Në Fier është goditur një rast mitdhënie dhe ka përfunduar në prangat e policisë një 33-vjeçar. Gazmend Stani është arrestuar pasi duke udhëtuar me mjetin tip “Volkswagen” iu ka dhënë rryshfet 4000 lekë punonjësve të policisë me qëllim shmangien e masës administrative pasi kishte makinën me xhama të zinj.
DETAJE:
Specialistët e Sektorit për Hetimin e Krimit Ekonomik e Financiar në Drejtorinë Vendore të Policisë Fier arrestuan në flagrancë shtetasin: -Gazmend Stani, 33 vjeç, banues në fshatin Mbyet, Fier.
Më datë 07.10.2017, në lagjen “1Maj” Fier, ky shtetas duke udhëtuar me mjetin tip “Volkswagen”, me targa AA 160 SC, iu ka dhënë rryshfet 4000 lekë punonjësve të policisë me qëllim shmangien e masës administrative pasi kishte makinën me xhama të zinj.
Materialet i kaluan Prokurorisë pranë Gjykatës së Shkallës së Parë Fier, për veprën penale “Korrupsion aktiv i personave që ushtrojnë funksione publike” parashikuar nga Neni 244 i Kodit Penal. (J.V/Shuplaka)
