Tentoi të vidhte kasafortën, arrestohet një person, dy të tjerë në kërkim

Një person është arrestuar ditën e sotme nga policia, pasi së bashku me dy të tjerë tentoi të vidhëte kasafortën e një banese në Himarë.

Nga raportimet bëhet me dije se, policia ka mundur të identifikojë dhe arrestojë një 42-vjeçar me iniciale G.V. banues në Vlorë, ndërsa janë shpallur në kërkim dy bëshkëpunëtorët e tij.

Njoftimi i policisë:

Himarë

Tentohet të vidhet kasaforta e një një banese në Himarë, vihet në pranga një nga autorët.

Më datë 12.08.2019, Shërbimet e Policisë të Komisariatit Himarë kanë bërë arrestimin në flagrancë të shtetasit G.V., 42 vjeç, banues në Vlorë.

42 vjeçari dyshohet se në bashkëpunim me dy persona të tjerë ende të paidentifikueshëm, kanë tentuar të vjedhin në banesë kasafortën e shtetasit F.Q., por nuk kanë arritur të marrin asgjë.

Vazhdojnë hetimet për identifikimin dhe kapjen e bashkëpunëtorëve të tjerë të implikuar në këtë ngjarje.

Materialet iu referuan Prokurorisë për veprën penale “Vjedhje e mbetur në tentativë” kryer në bashkëpunim