Tentoi të vrasë me armë zjarri bashkëfshatarin e tij duke i bërë pritë, arrestohet 51-vjeçari

Në prangat e policisë ka rënë një 51-vjeçar në qytetin e Gramshit pasi tentoi të vrasë me armë bashkë-fshatarin e tij.

 Bëhet fjalë për Luan Taragjini, 51 vjeç  banues në fshatin Grabovë Gramsh, i cili  u arrestua pasi një ditë më parë  dyshohet të ketë tentuar të vrasë me armë gjahu shtetasin L.T., 60 vjeç banues në fshatin Grabovë Gramsh.

Shtetasi L.T, është dërguar menjëherë në spitalin e Gramshit, ka marrë dëmtime në krahun e djathtë dhe ndodhet nën kujdesin e mjekëve, jashtë rrezikut për jetën.

Gjatë kontrollit të banesës, grupi hetimor, i ka gjetur dhe sekuestruar në cilësinë e provës materiale 13 copë fishekë armë gjahu.

Nga veprimet e para hetimore ka rezultuar se shtetasi L.T, në orët e para të mëngjesit të datës 21.09.2017 kishte dalë nga shtëpia dhe ishte nisur për të shkuar në Korçë, pasi ka ecur 10 min në këmbë, në fshatin Taragjin dyshohet të jetë qëlluar me armë gjahu nga shtetasi i arrestuar nga ana e policisë si autor i dyshuar i kësaj ngjarje.

Policia vijon punën për sqarimin e plotë të ngjarjes  dhe dokumentimin e plotë  ligjor të saj.

Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme për veprat penale “Vrasja me dashje, e mbetur në tentativë”, dhe “Prodhimi dhe mbajtja pa leje e armëve të gjuetisë dhe sportive”, parashikuar nga nenet 76, 22 dhe 280 të Kodit Penal. (J.V/Shuplaka)