Një tërmet nëntokësor ka rënë në minierën e Rudna-s, në Poloni, si pasojë e të cilit 3 minatorë gjetën vdekjen dhe 5 të tjerë rezultojnë të humbur.
“Në zonën e rrezikut ndodheshin rreth 16 persona. Disa prej tyre u nxorrën menjëherë.”, tha një zëdhënës i kompanisë për radion “RMF FM”.
Tërmeti me magnitudë 4.4 goditi mëngjesin e së martës në orën 9, sipas orës lokale.
Qendra e tij shënohet rreth 10 kilometra nën tokë.
Miniera Rudna është një nga minierat e bakrit më të mëdha në botë. Ajo numëron 11 puse rreth 1 kilometër të thellë. Prodhimi vjetor shkon në rreth 2 milionë ton mineral. Rreth 4.400 persona janë të punësuar aty.
