Terror në Mat, qëllohet me armë në drejtim të një 42-vjeçari teksa ishte duke udhëtuar me makinë

Ditën e sotme persona edne të paidentifikuar nga policia  kanë qëlluar me armë zjarri në drejtim të një automjeti sot në fshatin Bruç, në kufi me Mirditën. Fatmirësisht, nga të shtënat në makinën tip Volksëgen drejtuesi i mjetit nuk është lënduar. Mësohet  se është qëlluar me armë zjarri në drejtim  të një 43-vjeçari me iniciale DH.LL. 

DETAJE:

“Rreth orës 10.55, në sallën operative të Komisariatit të Policisë Mat ka ardhur një telefonatë se në fshatin Bruç, në kufi me Mirditën janë dëgjuar të shtëna armësh.

Menjëherë janë nisur drejt vendit të ngjarjes forcat e Policisë Mat dhe grupi hetimor, ku kanë konstatuar se :

Në  fshatin Bruç, në kufi me Mirditën nga persona ende të pa identifikuar është qëlluar me armë zjarri  në drejtim të automjetit Volksëgen me targa AA 686 BF,  që drejtohej nga  shtetasi Dh.Ll, 42 vjeç, lindur në Mirditë e banues në Tiranë. Drejtuesi i automjetit levizte i vetëm me automjet, dhe  nga të shtënat  nuk ka marrë asnjë lëndim.  Në vendin e ngjarjes janë sekuestruar disa gëzhoja. Forca të shumta policore  kanë ngritur pika të shumta kontrolli, po krehin zonën për identifikimin dhe kapjen e autorit/ëve. Grupi hetimor  ndodhet në vendin e ngjarjes, ku vijon punën për zbardhjen dhe dokumentimin e plotë të kësaj ngjarje”, sqaron paraprakisht policia.  (J.V/Faxweb)