Karlos Tevez është zyrtarisht futbollist i Shangai Shenhua. Sulmuesi kaloi nga Boka Xhunios në Superligën Kineze, ku ka nënshkruar një kontratë dy vjeçare prej të cilës do të përfitojë 38 milionë euro në sezon.
32-vjeçari u zyrtarizua ditën e sotme tek klubi kinez ndërkohë që u përshëndet dhe nga ish-skuadra e tij Boka Xhunios:
“Të priftë e mbara Karlitos. Do mbetesh gjithmonë në zemrat tona”- shkruan klubi argjentinas.
Tevez ka luajtur për ekipe të mëdha në Premier Ligë si Uest Ham, Mançester Junajtid, Siti dhe Juventus në Serinë A.
Kontrata e çmendur e Tevez do ti sjellë këto fitime:
– 38 milionë euro në vit;
– 3 166 000 euro në muaj;
– 791 000 euro në javë;
– 113 000 euro në ditë;
– 4 708 euro në orë;
– 78 euro në minutë.
Kjo do të thotë se, ndërkohë që ju e keni lexuar këtë lajm, ai ka futur në xhep rreth 150 euro.
