Presidenti i Kosovës Hashim Thaçi ka reaguar lidhur me operacionin që po zhvillohet në Kosovë dhe kryesisht në very të vendit ku tensioned mesa duket janë në rritje për shkak të arrestimit të edhe disa serbëve midis tyre edhe zyrtarë.
“Presidenti Vuçiç e di shumë mirë që nuk mund të lëviz brenda Kosovës, për çdo rast institucionet e Kosovës do të jenë të gatshme”, ka thënë presidenti për mediat kosovare i cili u pyet rreth deklaratave të presidentit serb Aleksandar Vuçiç, i cili kishte urdhëruar ushtrinë që të qëndrojnë në gjendje gatishmërie, pas aksionit policor në veri të vendit.
Presidenti Thaçi tha se aksioni i sotëm në veri është ndërmarrë për të luftuar të keqen dhe se përmes këtij aksioni janë arrestuar zyrtarë e qytetarë të nacionaliteteve të ndryshme, në mesin e tyre edhe një rus i infiltruar nën petkun institucional.
Në këtë konferencë ai foli dhe për bashkimin kombëtar, ku tha se ai është një ideal hershëm i të gjithë shqiptarëve.
Discussion about this post