Një telefonatë ka mbërritur disa minuta më parë në redaksinë e Televizionit Fax News nga një qytetar i cili është shprehur se, në orën 06:00 të mëngjesit të ditës së sotme, është parë një i ri teksa ka goditur me levë memorialin që është ngritur tek Parku i Liqenit në kryeqytet, në nderim të ushtarëve të vrarë turq gjatë atentatit për grusht shtet në vitin 2016.
Sipas tij, forca të shumta policia ndodhen në vendngjarje, ndërsa memoriali ka pësuar dëmtime të shumta.
Në momentin e kryerjes së këtij akti, mësohet se ka qenë dëshmitar edhe një punonjës i Policisë Bashkiake ndërsa nuk ka mundur ta ndalojë autorin.
I riu që ka kryer këtë veprim është një person i paidentifikuar ende, ndërsa policia ka mbërritur në vendngjarje dhe mbase në vijim do të kemi informacione më të detajuara.
Siç shihet edhe në foton e mëposhtme, dëmi që i është bërë pllakadës ku janë gdhendur emrat e viktimave të grushtit të shtetit është i parikuperueshmëm pasi një pjesë e mirë e saj është thyer.
https://www.facebook.com/faxweb.al/videos/2208069169321233/UzpfSTE0MTYzMzk3OTgxNzkwNjo0Mjg0NDE0NjExMzcxNTU/
(F.GJ/FAXWEB.AL)
