Sekretari amerikan i Shtetit, Rex Tillerson, ka biseduar me zyrtarët turq sot gjatë një vizite një ditore në Ankara. Bisedimet u përqendruan në luftën kundër militantëve të Shtetit Islamik Isis, raporton “Reuters”.
Tillerson gjatë një takimi me dyer të mbyllura me presidentin e Turqisë, Erdogan biseduan për hapa të mundshëm të përbashkët kundër ISIS dhe grupeve të tjera në Irak dhe Siri.
Presidenti Erdogan theksoi rëndësinë e të punuarit me aktorë “legjitimë” në luftën kundër terrorizmit. Tillerson u takua edhe me kryeministrin e Turqisë, Jëlldërëm, ku sërish u vu theksi tek lufta kundër militantëve të ISIS, ka njoftuar zyra e kryeministrit.
Një zyrtar i Departamentit Amerikan të Shtetit ka theksuar rolin e rëndësishëm të Turqisë në sigurinë rajonale.
Ankaraja zyrate kërkon nga Uashintoni që të nisin një luftë të përbashkët, për rikthimin e kontrollit të qytetit Raka, që është bastioni i fundit i Shtetit Islamik në Siri.
Turqia do që kurdët në Siri, të cilët mbështeten nga SHBA të përjashtohen nga këto operacione.
Gjatë një interviste në Turqi ai tha se fati i presidentit sirian, Bashar Al Asad do të vendoset nga populli sirian. (M.D/ Shuplaka)
Discussion about this post