Një 40-vjeçar i shpallur në kërkim ndërkombëtar nga Italia, është arrestuar nga Policia në Tiranë. Në pranga ka rënë Ergest Prifti, i cili është arrestuar në rrugën “Dritan Hoxha” në kryeqytet.
Policia sqaron se Priftit gjatë kontrollit në makinë i është gjetur një shkop metalik. Nga hetimet e mëtejshme ka rezultuar se ai është shpallur në kërkim pasi Gjykata e Torinos, Itali, ka lëshuar një urdhër arresti ndaj tij për veprat penale “Trafikimi i lëndëve narkotike” dhe “ Pjesëmarrje në organizatë kriminale”. Interpol Tirana vijon procedurat për ekstradimin e këtij shtetasi, në Itali.
Njoftimi i policisë:
Tiranë
Monitorime intensive për rritjen e parametrave të sigurisë rrugore dhe kapjen e personave në kërkim që qarkullojnë me automjete.
Kapet nga Policia Rrugore e Tiranës, një 40-vjeçar, i shpallur në kërkim ndërkombëtar nga autoritetet Italiane, për pjesëmarrje në organizatë kriminale dhe për trafikim të lëndëve narkotike.
Gjatë kontrollit në automjet, iu gjet dhe iu sekuestrua një shkop metalik.
Shërbimet e Komisariatit të Policisë Rrugore, gjatë kontrolleve parandaluese me qëllim rritjen e parametrave të sigurisë rrugore dhe kapjen e personave në kërkim që qarkullojnë me automjete, bazuar në inteligjencën policore për një shtetas të kërkuar nga Italia i cili lëvizte me automjet në rrugën “Dritan Hoxha”, kanë bërë të mundur lokalizmin dhe ndalimin e automjetit tip “Nissan”.
Nga verifikimet e kryera ka rezultuar se drejtuesi i automjetit, shtetasi E. P., 40 vjeç, rezultonte i shpallur në kërkim ndërkombëtar, pasi Gjykata e Torinos, Itali, ka lëshuar urdhër arresti për këtë shtetas për veprat penale “Trafikimi i lëndëve narkotike” dhe “ Pjesëmarrje në organizatë kriminale”, parashikuar nga Kodi Penal i Italisë.
Në vijim të veprimeve Specialistët për Hetimin e Krimeve në Komisariatin e Policisë nr dy, bënë arrestimin provizor me qëllim ekstradimi të 40 vjeçarit E.P.
Interpol Tirana vijon procedurat për ekstradimin e këtij shtetasi, në Itali.
Discussion about this post