Tjetër rast prostitucioni në Tiranë, pranga katër personave. Mes tyre tutorja dhe shoferi

Pas arrestimit të 6 grave dhe vajzave për ushtrimin e prostitucionit online, një tjetër rast goditet nga policia e kryeqytetit.

Në këtë rast janë arrestuar katër persona, një prej të cilave tutori, tjetri shoferi dhe dy prej tyre vajzat që ushtronin këtë profesion.

Shtetasja T. TH. Që është edhe tutorja, prej disa kohesh, me anë të mashtrimit joshte vajza të reja duke u ofruar atyre para dhe sende te tjera me vlerë dhe më pas i shfrytëzonte ato për prostitucion duke i dërguar në hotele të ndryshme në periferitë e Tiranës

NJOFTIMI I POLICISË;

Më datë 16.06.2017, Specialistët e Seksionit Kundër Trafiqeve të Paligjshme, në Drejtorinë Vendore të Policisë Tiranë, kanë bërë të mundur finalizimin e operacionit “Real”, në kuadër të të cilit kanë arrestuar në flagrancë të shtetasve:

1. P. J., 62 vjeç, banues në Tiranë (Neni 114/2)
   2. T. Th, 50 vjeçe, banuese në Tiranë (Neni 114/2)
   3. B. D., 52 vjeç, banues në Prishtinë – Kosovë (Neni 113)
   4. E. P., 27 vjeçe, banuese në Tiranë (Neni 113)

Nga veprimet hetimore të kryera nga Specialistët e këtij Seksioni është arritur të identifikohet dhe goditet kjo veprimtari kriminale.

Shtetasja T. TH., prej disa kohesh, me anë të mashtrimit joshte vajza të reja duke u ofruar atyre para dhe sende te tjera me vlerë dhe më pas i shfrytëzonte ato për prostitucion duke i dërguar në hotele të ndryshme në periferitë e Tiranës.

Kete aktivitet te kundraligjshëm e kryente në bashkëpunim me shtetasin P. J.

Ky i fundit pasi vihej në dijeni nga shtetasja T.TH., bënte transportin e vajzave në drejtim të klienteve të tyre me makine.

Në cilësinë e provës materiale u sekuestruan:
– 9 aparate telefonik
– 2 automjete

Materialet proceduriale i kalojnë Prokurorisë së Rrethit Gjyqësor Tiranë për veprat penale,
“Prostitucioni” dhe “Shfrytezimi i prostitucionit”, parashikuar nga nenet 113 dhe 114/2 të Kodit Penal.

(E.K/SHUPLAKA)