Krishtlindjet në një qytet të Meksikës u përfshinë nga tmerri për banorët pasi u zgjuan me pamjen e frikshme të gjashtë kokave të prera në mes të sheshit.
Mediat meksikane publikuan se gjashtë kokat, të cilat u përkisnin meshkujve të rinj në moshë, u gjetën në Jiquilpan, një qytet me rreth 50 mijë banorë, në shtetin e Michoacan. Kokat e të rinjve ishin lënë në mes të rrugës nga njerëz të panjohur.
“Sipas të dhënave paraprake, ngjarja është pasojë e një lufte për territor mes bandave kriminale”, thanë autoritetet lokale policore.
Bëhet fjalë për bandat e njohura si “Jalisco Neë Generation Cartel” dhe “Neë Michoacan Family”.
Pranë kokave të djemve, autoritetet gjetën një mesazh të gdhendur në një copë kartoni, por nuk e publikuan përmbajtjen e mesazhit. Trupat e tyre nuk janë gjetur.
Sakaq pak orë më herët, në një lagje të Guerrero në lokalitetin meksikan Atoyac de Alvarez pranë Acapulco, njerëz të armatosur hynë në shtëpinë e një familjeje dhe ekzekutuan me armë zjarri shtatë persona.
Pesë prej viktimave ishin meshkuj të një familjeje kurse dy të tjerët një çift. Që të gjithë u gjetën të vdekur nga policia. (E.K/SHUPLAKA)
Discussion about this post