Topalli dhe Imami kërkojnë SHKARKIMIN e menjëhershëm të Bashës: 26 Qershori është shumë vonë

Jozefina Topalli dhe Arben Imami kanë dalë së bashku në një konferencë. Në fjalën e tyre ata kërkojnë largimin e kreut demokrat Basha.

‘’Kjo nuk është më Partia e nëntorit ’90. Kjo sepse shpirti i Partisë është zëvendësuar  me frymën e Lulzim Bashës. Unë nuk i di orët e gjata që kanë karakterizuar marrëveshjen mes tij dhe Edi Ramës por di që është një pazar’’, u shpreh Topalli.

‘’Listat kanë krijuar një shqetësim të madh, në intelektualë, në kandidatë që janë në listat. Ne kuptojmë që mesazhi i tyre është që nuk mund të largohet Rama duke dëmtuar PD-në, është marrë vendimi për listat në shkelje të ligjit dhe statutit të PD-së.

Nuk ka qenë traditë e Partisë sonë që të mos konsultohen vendimet dhe të mos merren vendimet në forumet e Partisë.

Ne shohim si zgjidhje mbledhjen e forumeve të partisë dhe shkarkimin e Bashës. Iu bëj thirrje të gjithë kolegëve të Kryesisë që të mbidhen se nuk ka kohë. Në 26 Qershor do të jetë shumë vonë’’, u shpreh Imami. (E.K/SHUPLAKA)