Shefi i Organizimit në PD, Klevis Balliu ka qenë i ftuar sot në studion e Faxnews për të komentuar në lidhje me operacionin “Tempulli” që çoi në pranga 233 persona në të gjithë vendin ndërsa 82 të tjerë u shpallën në kërkim.Për Balliun nuk është një megaoperacion por një tallje teksa shtoi se trafikantët më të mëdhenj janë në zyrat e shtetit.
Për gazetarin Albi Rakip, Balliu tha se qeveria e Edi Ramës, mbahet në pushtet nga propaganda.
“Është megatallje, këto operacione i bënte edhe Saimir Tahiri, nuk la 16 vjeçar pa arrestuar për një cigare hashash ndersa vendi mbushej me platancione kanabisi.
Narkotrafikantet bëhen investitor strategjik me firme të kryeministrit, apo edhe deputet. Trafikantët më të mëdhenj sot janë në zyrat e shtetit.
Kjo qeveri mbahet në pushtet nga propaganda dhe sot u shesin shqiptarëve këtë megaoperacion, ku shumë prej tyre do të lirohen.
Gjithë qeveria është e angazhuar për të nxjerrë fisin Rraja, trafikantë të vërtetë. Nuk e merr njëri seriozisht këtë operacion.
Ku janë tonelatat e kokainës që flet prokuroria belge dhe francezë? Ku janë bandat e vërteta? Pëllumb Gjokën e kishin kryetar të shtabit elektoral.
Ky show ndihmon kriminelët e vertete. Se sot në studio nuk flitet më për dosjen “Metamorfoza”.
Discussion about this post