Tragjedi në Sudan, avioni rrëzohet në pistë, dyshohet për 44 viktima

Një ngjarje e rëndë ka ndodhur në Wau të Sudanit, ku një avion pasagjerësh u përplas në aeroportin e këtij qyteti dhe më pas u përfshi nga flakët.

Si pasojë e këtij aksidenti, paraprakisht mendohet të kenë ndërruar jetë me dhjetëra persona. Gazeta kombëtare sudaneze Courier bën me dije se bëhet fjalë për një numër viktimash, që shkojnë deri në 44 persona.

Mirëpo menaxheri i linjës ajrore deklaroi se nuk kishte të plagosur dhe të gjithë pasagjerët u evakuuan nga avioni, përpara se të shpërthente nga zjarri. Nga ana tjetër, një tjetër punonjës i kompanisë deklaroi për “Reuters” se më të vërtetë nuk kishte të vdekur, ama bëhet fjalë për një numër të madh të plagosurish.

Ndërkohë një gazetar për Reuters, deklaroi se rreth 17 ose 18 vetë u plagosën nga ky aksident, të cilët u dërguan menjëherë në spital.

Corrier ka publikuar edhe disa pamje nga vendngjarja, ku avioni shfaqet i përfshirë nga flakët në pistën e Aeroportit Wau. (D.D/Shuplaka)