Ka ndërruar jetë edhe nëna e Mirald Metallarit, pasi u qëllua me armë zjarri aksidentalisht nga i biri, ngjarje e ndodhur në Bathore. 21-vjeçari pas nje sherri per betonin me te atin, qelloi mbi te duke e lënë të vdekur në oborrin e shtëpisë. Por ai qëlloi edhe mbi të ëmën e cila kishte ndërhyrë për të shuar sherrin mes babait dhe djalit. Ajo mbeti e plagosur rëndë dhe sot per fat të keq ka ndërruar jetë në spital.
Informacioni zyrtar nga Policia:
Në lidhje me ngjarjen e datës 24.07.2017 , ku shtetasi Mirald Metallari, 21 vjeç, për shkak të një konflikti të çastit, për motive banale qëlloi mbi të atin shtetasin M.M.,62 vjeç, punonjës policie, duke e lënë të vrarë dhe plagosi të ëmën, shtetasen Nurie Metallari 47 vjeçe, ju bëjmë me dije se :
Sot më datë 04.08.2017, rreth orës 08:00, ka ndëruar jetë si pasojë e plagëve të marra shtetasia N.M., 47 vjeçe.
Shtetasi Mirald Metallari është arrestuar dhe materialet janë referuar në Prokurorinë e Rrethit Gjyqësor Tiranë, në ngarkim të tij për veprën penale “Vrasje për shkak të marrëdhënieve familjare”, parashikuar nga neni 79/c i Kodit Penal. (B.H/Shuplaka)
