Detaje të reja zbulohen nga mbërritja e banorëve të Zharrëzës në ministrinë e Energjisë dhe Industrisë. Përveç zëvendësministrit Ilir Bejtja, ata janë takuar edhe me zëvendëskryeministrin Niko Peleshin.
Në këtë takim mësohet se kanë hyrë shtatë persona, të cilët do të përfaqësojnë gjithë pjesën tjetër të grevistëve, që marshuan prej tre ditësh nga Fieri në Tiranë, për të kërkuar të drejtat e tyre.
Rreth tre ditë më parë, Ministria e Energjetikës lajmëroi se përfaqësuesit e protestuesve në Zharrëz, kanë rënë dakort që të ndërpritet greva e urisë dhe kanë fismosur sëbashku një marrëveshje. Por një ditë më pas, ata e përgënjeshtruan lajmin dhe thanë se nuk ishin në dijeni të asnjë marrëveshje, dhe u nisën më këmbë drejt Tiranës.
Gjithçka që banorët e Zharrëzës kërkojnë është dëmshpërblimi për dëmet e pësuara prej lëkundjeve të shkaktuara nga kompania e naftës “Bankers Petroleum”.(D.D/Shuplaka)
Discussion about this post