Tre persona arrestohen në Korçë, shisnin heroinë në dyqan

Policia e Korçës ka arrestuar 3 persona të cilët shpërndanin heroinë në lagjet e qytetit.

Julian Gega (Mingo), 39 vjeç, Mikel Mingo, 24 vjeç dhe Mondi Mingo janë vënë në pranga, ndërkohë që janë sekuestruar 13.2 gramë heroinë.

Lënda narkotike u gjet në dyqanin në pronësi të Mondi dhe Mikel Mingos, në lagjen nr. 9 të Korçës.

Arrestimi i tyre u bë pasi, gjatë kontrollit të ushtruar nga shërbimet e Komisariatit të Policisë Korçë, në dyqanin në pronësi të shtetasve Mondi dhe Mikel Mingo, në lagjen nr 9 Korçë, të marrë në përdorim nga shtetasi Julian Gega, si edhe gjatë kontrollit fizik të këtij të fundit, iu gjetën e sekuestruan në cilësinë e provës materiale:

13.2  gramë lëndë narkotike e dyshuar Heroinë, e ndarë në doza.

1 peshore.

Gjithashtu shtetasi Julian Gega, tek dyqani i cili shërbente si servis celularësh, tregëtonte aparate satelitore pa dokumentacionin dhe autorizimin përkatës, si edhe rreth 300 aksesorë të ndryshëm telefonash, për të cilat nuk dispononte fatura.

Materialet  në ngarkim të tyre i kaluan Prokurorisë të Rrethit Gjyqësor Korçë për veprat penale bazuar në nenet 283/2 , 149/a dhe 180 të Kodit Penal.

(E.K/FAXWEB.AL)