Tre studentë të arrestuar në Elbasan, nga Laçi dhe nga Dibra, familjarët e tyre nuk mbërrijnë dot për t’i liruar

Tre të arrestuar janë sjellë një natë më parë në komisariatin e policisë Elbasanit. Të rinjtë janë vënë në pranga gjatë protestës së të enjtes dhe nga komisariatet e kryeqytetit janë transportuar për në Elbasan. Sipas një prej avokatëve vullnetarë të protestës në komisariatin e Elbasanit ndodhen 3 studentë.

Dy nga Laçi dhe një nga Dibra. Për shkak të lagësisë, familjarët e tyre nuk kanë mundësi të mbërrijnë tek fëmijët ndërkohë që avokati e ka të pamundur ti takojë pa një prokurë. Gentjan Sejrani tha se të rinjtë duhet të lihen të lirë sa më parë dhe gjykata duhet të shpejtojë procedurën për vlerësimin e masës në mënyrë që ata të kenë mundësi të shkojnë pranë familjeve.

Një situatë e tillë po haset në të gjitha komisariatet e Tiranës dhe tashmë edhe në komisariate të tjera të vendit ku janë shoqëruar protestues dhe mbahen në qeli pa një shpjegim të arsyeshëm ligjor.