Presidenti i sapo zgjedhur Donald Trump do të bëhet një “aleat” i Sirisë, nëse ai i përmbahet shpejt një linje të ashpër ndaj terroristëve, raporton CNN.
Presidenti i Sirisë Bashar al-Assad, beson se fitorja e Trump-it mund të ndihmojë në transformimin e marrëdhënieve mes dy vendeve. Ai dëshiron që Trump t’i japë fund terrorit në Lindjen e Mesme, por të mbetet i kujdesshëm dhe të veprojë sipas premtimeve të tij të fushatës.
“Deklaratat e Trump ishin të qarta gjatë fushatës, lidhur me luftën kundër terrorizmit, mosndërhyrjen ndaj shteteve në mënyrë që të shkarkojnë qeveritë, siç ka bërë SHBA për dekada të tëra”, është shprehur Assad, sipas përkthimit zyrtar të intervistës së publikuar nga agjencia e lajmeve në Siri, SANA.
Më pas Assadi ka shtuar: “Ne e dimë se ka lobingje të fuqishme në SHBA kundër Trump-it dhe e dimë se ata do të mundohen në maksimum të ushtrojnë presion nda tij dhe detyrave të tij, për ta shtyjë atë të veprojë ndryshe nga sa është shprehur. Përndryshe, ai do të ketë një konfrontim me këto lobe në Kongres, Senat, media dhe me lobet industriale që fitojnë nga luftërat, siç ndodhi së fundmi në Irak dhe Jemen.”.
Kjo nuk është hera e parë që lideri i Sirisë shprehet në mënyrë optimiste në lidhje me presidentin e ri amerikan. Edhe në nëntor Assad është shprehur se mendon që Trump do të jetë një aleat i Sirisë në Luftën kundër terrorizmit.
Discussion about this post