Gjatë ditëve të fundit, presidenti i SHBA-së Donald Trump, ka pezulluar përkohësisht pranimin e emigrantëve si dhe ka bllokuar hyrjen për 90 ditë të shtetasve nga 7 vendet me shumicë myslimane.
Si pasojë, prokurorët e Përgjithshëm të 16 shteteve amerikane përfshirë Kaliforninë, Nju Jorkun dhe Pensilvaninë kanë dalë në një deklaratë të përbashkët, ku dënojnë vendimin ekzekutiv të presidentit.
Sipas Prokurorëve, urdhri ekzekutiv i Presidentit amerikan për të bllokuar ardhjen e emigrantëve myslimanë, cënon të drejtat themelore që parashikohen në kushtetutën e SHBA-së.
“Jemi të vendosur që të vijojmë punën në mënyrë që sa më pak njerëz të vuajnë nga gjendja kaotike që është krijuar”, thuhet në njoftim.
Prokurorët njoftojnë se do të ndjekin të gjitha rrugët ligjore, për të kthyer pas këtë vendim të Trump, antikushtetues siç e quajnë ata. (D.D/Shuplaka)
Discussion about this post