Presidenti i zgjedhur i SHBA-ve, Donald Trump, është shprehur se disponon informacione të pazbuluara lidhur me sulmet kibernetike ruse të dyshuara se janë kryer gjatë fushatës së tij elektorale.
Por teksa tha se vetëm ai i di, Trump bëri me dije se javën e ardhshme do i zbulojë ato. Këtë deklaratë ai e bëri teksa fliste përpara gazetarëve ku një ndër ta e pyeti rreth këtyre sulmeve.
“Unë di gjëra që të tjerët s’i dinë dhe ju do i zbuloni ato të martën ose të mërkurën.”, mësohet të ketë thënë ai.
Sipas presidentit të zgjedhur, ndërhyrja në email-et zyrtarëve të Partisë Demokratike mund të jetë kryer nga “dikush tjetër” dhe jo Rusia.
Kjo deklaratë e tij vjen në një kohë kur qeveria amerikane ka dëbuar 35 diplomatë rusë dhe ka vendosur sanksione ndaj zyrtarëve të sigurisë dhe agjencive të inteligjencës ruse si masë ndëshkuese ndaj sulmeve kibernetike. (XH.A/SHUPLAKA)
Discussion about this post