Dy ditë më parë, autoritetet e sigurisë në Gjermani, bënë me dije se pas lirimit të pakistanezit, i dyshuar për sulmin ishte një azilkërkues tunizian, i identifikuar si Anis Amri 23 vjeç. Teksa policia vijon kontrollet për gjetjen dhe kapjen e tij, familjarët i kërkojnë 23-vjeçarit të vetëdorëzohet.
Vëllai i tij, Abdelkader Amri, tha se ai ishte i sigurt se Anis ishte i pafajshëm. “Nëse ai nuk do të ishte, do të ishte e turpshme për ne.”, është shprehur ai.
“Nëse vëllai im është duke më dëgjuar mua, unë dua t’i them atij të dorëzohej, edhe për familjen tonë. Nëse ai e bëri atë që dyshohet se ka bërë, ai do të dënohet,”, ka vazhduar më tej Adelkader Amri nga shtëpia e familjes në Tunizi.
Por më pas ai shtoi: “Unë jam i sigurt se vëllai im është i pafajshëm, unë e di se pse ai u largua nga shtëpia. Ai u largua për arsye ekonomike … për të punuar, për të ndihmuar familjen, ai nuk ka shkuar për të shkaktuar terror.”
Vëllezërit kanë pranuar përpara gazetarëve se vëllai i tyre kishte pasur telashe gjatë emigrimit në Europë. Sipas vëllait tjetër, Ëalid Amri, i cili ka treguar se ka folur me Anis 10 ditë më parë, vëllai që dyshohet për sulmin do të kthehet në Janar në shtëpinë në Tunizi pas të hollave që ka kursyer. (XH.A/SHUPLAKA)
Discussion about this post