Kryetari i Ardhmërisë së Kosovës, Ramush Haradinaj, shprehet pas rrëzimit të qeverisë së Kosovës se ky koalicion i turpshëm këtë fund do të kishte ashtu si e filloi, mbaroi.
“Politikë e nënshtrimit ndaj Serbisë, erdhi koha t’i dalim zot shtetit tonë”, është shprehur kreu i AAK-së.
“Me marre e fillun dhe e mbarun, ky koalicion i dështum kështu me marre do të mbaronte, tani me zgjedhje të lira e të ndershme do dalim prek kësaj katrahure ku e ka zhyt qeveria vendin, kërkojmë dhe bashkëpunimin e opozitës, koha e nënshtimit ndaj Serbisë ka mbaru”, ka deklaruar haradinaj vetëm pak pas rrëzimit të qeverisë së Kosovës.
Ai premtoi në konferencën për shtyp se sapo të vijë në pushtet do të ndryshojë “statusquo”-në e Kosovës.
Reagimi i Ramush Haradinajt:
“Sot konstatova se koalicioni qeverisës ashtu si kish fillu, me marre, përfundoi me turpin e vet mashtrimin e tradhëtisë së ndërsjelltë dhe ndaj elektoratit. Përfundimi i qeverisë së Mustafës është lajm i mirë për faktin se tani do të jetë qytetari sovrani.
Ky lajm i mirë nuk bën mu prish nga askush, me dëmtu a me ndyrhy në mënyra të ndryshme në vullnetin e Sovranit. Në mënyrë që Sovrani të vendosë lirshëm, qytetari të vendos lirshëm, duhet mos të vidhet vota, most ë pengohet procesi I lirë zgjedhor.
Ne kërkojmë ndimën e Amerikës dhe ndërkombëtarëve që të monitorojnë zgjedhjet në mënyrë që ato të mos shkelen, jemi për një shtet Sovran ku Serbia mos t’i fusë duart, por jo vetëm ajo edhe armiq të tjerë, për një shtet që I del zot qytetarit të vet brënda dhe jashte.
Ne jemi të vendosur që Sovranit t’i japim mundësinë me vendos pa ndërhy. A është mu dhanë besim këtyre që e kanë pru Kosovën në këtë gjendje, pra partive të koalicionit qeverisës, apo mi dhanë Kosovës drejtimin e duhur të shteti të së drejtës, të ekonomisë së qëndrushme, shtetit të aftë me i dal zot qytetarit?”
(B.H/SHUPLAKA)
Discussion about this post