“U bëra si Rama, mora krejt huqet e tij”, Agim Xhafka: Nuk më shqitet Saliu nga goja

Agim Xhafka përmes një statusi në rrjetet sociale ka bërë ironi me kryeministrin, Edi Rama duke thënë se është bërë si ai pasi nuk i hiqet nga goja emri i ish-kryeministrit, Sali Berisha.

Duke e bërë krahasimin natyrisht në një variant tjetër, ndryshe nga ç’jemi mësuar ta dëgjojmë nga kryeministri, emrin e paraardhësit të tij, Xhafka thotë se po ‘ngjan’ si Edi Rama psi nuk i shqitet Saliu nga goja.

Postimi i plotë:

U bëra si Rama. Nuk më hiqet nga goja Sali Berisha. Erdha dje nga Ohri dhe në kufi mjaftoi veç karta e identitetit. Kaq dhe rruga e mbarë më tha maqedonasi. Bravo,Sali që na e mundesove ,thashë.
Para dy javësh shkova në Selanik dhe sa tregova pasaportën në Kapshticë më tha polici grek,go,Gimo,go! Eh,Sali na kënaqe me heqjen e vizave,fola.
Të hënë e mata kot kohën nga Elbasani deri në Tiranë. Plot 18 minuta,më afër se Kombinat-Kinostudio. Bravo Sali,më doli nga zemra. Kështu dhe kur shkoj në Vlorë,Tepelenë…Apo kur mbérrij në Prishtinë e uroj Saliun familjarisht.
Po ngjaj si Edi Rama. Nuk më shqitet që nuk më shqitet Saliu nga goja. Mbeta duke e pérmendur e pérmendur emrin e tij. Eh,mor Edvin ç’më bëre! Mora krejt huqet e tua…

(F.GJ/FAXWEB.AL)