Ndërtimi i impiantit të mbetjeve në Fier, ka bërë që banorët e fshatit Vërri gjatë ditës së sotme të dalin në një protestë.
Po ka disa detaje interesante nga qendra e fshatit, ku në muret e disa banesave, kanë mbetur ende të shkruara thirrjet për të votuar PS-në në zgjedhje.
E megjithë prirjen socialiste të zonës, qeveria Rama nuk ka bërë asnjë hap pas në lidhje me ndërtimin e incerenatorit. Policia ka shoqëruar katër persona.
Gjatë protestës, policia e Shtetit, ashtu siç e kemi theksuar dhe më herët ka dhunuar disa nga banorët.
“Bravo Policia, ky është shteti ynë, këta të vrasin. Vrasje, kjo është vrasje. E vrau shteti shikoje e vrau shteti”,-, dëgjoheshin të thonin banorët.
Banorët protestojnë pasi nuk lejojnë hyrjen e mjeteve për nisjen e punimeve për impiantin e mbetjeve.
Sipas banorëve, impianti do helmojë tokat bujqësore. Projekti është kundërshtuar nga banorët e Vërrisë.
(E.K/FAXWEB)
