Muhamed Veliu u dorëhoq ditë më parë si zëdhënës në ministrinë e Milva Ekonomit por sot zbulohet se çfarë ka ndërmend të bëjë më tej ai. As më shumë dhe as më pak se rolin e gazetarit.
Veliu ka qenë i ftuar në ”Report TV” për të folur për Ilir Kumbaron dhe shpëtimin nga ekstradimi, çështje e lidhur ngushtësisht me vdekjen e Remzi Hoxhës.
”Në ”Report Tv” duke folur se si Ilir Kumbaro si sot 5 vjet më parë, njeriu kyç në zhdukjen e Remzi Hoxhës në mënyrë spektakole i shpëtoi ekstradimit. Me suport financiar dhe llogjistik nga Tirana Ilir Kumbaro sot e kësaj dite është i lirë duke mbajtur me vete të gjithë dinamikën e zhdukjes së Remzi Hoxhës. Një krim shtetëror që herët a vonë do të ndëshkohet. Mendoj se Byroja Kombëtare e Hetimit kur të nisë punën duhet ta rihetojë këtë krim shtetëror.”, shkruan Veliu.
Veliu u dorëhoq nga ministria për arsye personale por burimet thanë ditë më parë për ”Shuplaka”-n se kishte qenë pikërisht sistemi i punës 24 orë në 24 që kishte detyruar Veliun të largohej. Veliu ka punuar 7 muaj me ministren Ekonomi, ndërsa paraardhësja e tij vetëm 2 muaj.
