Vetëm dy ditë më parë nga produktet e një pastiçerie në Peshkopi u helmuan 150 qytetarë. Pas hetimit të kryer në lidhje me këtë ngjarje, e cila u raportua fillimisht nga spitali i qytetit se ky ishte një hemim nga një pastiçeri dhe policia procedoi në gjendje të lirë pronarin 39-vjeçar, shtetasi me inicialet G.S.
Ai dyshohet se është bërë shkaktar i helmimit të banorëve, duke ua shitur tortat jashtë kushteve e standardeve që kërkon ky produkt ushqimor.
Ndërkaq, drejtori i spitalit, Beqir Biçi, u shpreh dje se situata është në përmirësim dhe se aktualisht në spital janë edhe 10 persona.
Por një banore e fshatit Melan për grupin hetimor tha: Tortën e blemë në një pastiçeri në dalje të qytetit. Edhe herë të tjera aty i kemi blerë ëmbëlsirat. Është muaj Ramazani dhe blejmë ëmbëlsira për fëmijët e të moshuarit që agjërojnë. Dje, në mëngjes, pjesëtarët e familjes u zgjuan të zverdhur, me të vjella dhe të këputur. I sollëm në spital. Tani janë më mirë, por kemi ende frikë”. (J.V/Shuplaka)
Discussion about this post