“U larguam se na dhunonte”,  pas rrëfimit të vëllezërve amerikanë, nëna birësuese përfundon pas hekurave

Në fund të ditës që dy vëllezërit e amerikanë që ishin zhdukur u gjendën, nëna birësuese ka përfunduar prapa hekurave.

47 vjeçarja Andrea Grace Bailey-Kay, banuese në Tiranë, është arrestuar pasi të miturit kanë deklaruar në prani të psikologes se janë larguar nga banesa si pasojë e dhunës që nëna ushtronte ndaj tyre.

 “Nga marrja në pyetje në prezencë të psikologes, fëmijët kanë deklaruar se janë larguar nga banesa si pasojë e dhunës që nëna ushtronte ndaj tyre. Në bazë të kallzimit të marrë nga fëmijët dhe konsultimit me Prokurorin u bë arrestimi në flagrancë i kësaj shtetaseje” , thuhet në njoftimin e policisë.

Dy të miturit amerikanë që jetojnë në Tiranë, kishin humbur kontaktet me familjen e tyre që prej datës 30 maj. Ata janë gjetur ditën e sotme nga policia në zonën e Xhamisë  në Selitë. (D.D/Shuplaka)