Erisa Qalliu, sekretarja e kryetarit të Bashkisë së Lushnjes, Fatos Tushe, vijon të jetë ende në spital, por mësohet se gjendja e saj shëndetësore është përmirësuar ndjeshëm.
Sipas mjekëve, ajo po e merr veten pak nga pak nga lëndimet e marra në fytyrë dhe krahë, ndërsa është ende nën vëzhgim. Erisa Qalliu u plagos dje bashkë me kryebashkiakun me një granatë dore të hedhur në zyrën ku ata punonin nga ish-shoferi personal i Tushes, Gëzim Saraçi.
Kujtojmë që vetë Fatos Tushe doli nga spitali dje, ndërsa forcat e policisë vijojnë kërkimet për autorin e dyshuar të ngjarjes. Madje ata kanë vënë në dispozicion edhe 1 milion lekë të rinj shpërblim për këdo që jep të dhëna të sakta se ku gjendet Gëzim Saraçi.
(M. I./ Faxweb.al)
Discussion about this post