U treguan forcën punonjësve të policisë, bien në pranga 3 të rinj (DETAJET)

Tre persona të rinj janë arrestuar ditën e sotme nga forcat e policisë sepse kanë ushtruar dhunë ndaj Forcave të Ndërhyrjes së Shpejtë në Fier. Sipas njoftimit të policisë, ngjarja ka ndodhur në aksin rrugor Levan-Tepelenë.

“Kundërshtojnë me dhunë punonjësit e policisë, arrestohen në flagrancë 3 shtetas. Specialistët për Hetimin e Krimeve në Komisariatin e Policisë Fier, arrestuan shtetasit: K.T., 24 vjeç, banues në Kafaraj. Xh.T., 25 vjeç, banues në Kafaraj. E.Xh., 25 vjeç, banues në Frakull.

Arrestimi i tyre u bë pasi në pikën e kontrollit të ngritur në aksin rrugor Levan-Tepelenë, për shkak të detyrës kanë kundërshtuar me dhunë punonjësit e F.N.Sh-së Fier. Materialet i kaluan Prokurorisë pranë Gjykatës së Shkallës së Parë Fier për veprën penale “Kundërshtimi i punonjësit të policisë””, njoftoi policia.

(M. I./ Faxweb.al)