A iu duken edhe juve këto objekte si UFO? Shihni fotot e publikuara nga gazetari Artur Çani ku disa objekte vihen re në qiellin mbi Liqenin e Shkodrës.
Prania e disa objekteve të çuditshme në qiell që shpeshherë janë cilësuar UFO, është komentuar shpesh edhe në vendin tonë. Për mjaft njerëz këto janë thjesht budallallëqe, siç ka dhe nga ata që i druhen pranisë të diçkaje ndryshe, të panjohur më parë.
Shqipëria nuk ka një qendër për vëzhgimin e qiellit dhe fenomeneve në univers dhe as sistem të specializuar për kapjen dhe identifikimin e këtyre objekteve të panjohura të cilësuara si UFO (Unidentified Flying Object).
Megjithatë frika ekziston dhe sapo shohin ndonjë objekt të çuditshëm, njerëzit e konkretisht shqiptarët e fotografojnë menjëherë. I tillë është edhe rasti i gazetarit Artur Çani që ka publikuar dy foto të shkrepur diku në Shkodër.
“Mirëmëngjesi, UFO në Shkodër” shkruan gazetari në njërën foto, ndjekur nga një tjetër me mbishrkimin “Po kjo? Apo montazh edhe kjo?”, ku duken disa objekte në qiellin mbi Liqenin e Shkodrës.
Ai shprehet i bindur se nuk bëhet fjalë për montazh, por për foto reale. (XH.A/SHUPLAKA)
[ngg_images source=”galleries” container_ids=”328″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post