Mëlçia, është organ shumë i rëndësishëm në trupin tonë, madje quhet laboratori i trupit të njeriut. Mëlçia është ajo që metabolizon të gjitha elementet ushqimore ( yndyrë, proteina, karbohidrate, vitamina, kripëra minerale etj) të trupit tonë. Por problemet dhe shqetësimet në të janë shumë të rëndësishme për shëndetin tonë.
Mëlqçia mund të dëmtohet nga:
1 .Konsumimi i tepruar i alkoolit.
2. Konsumimi i tepërt i sasisë kalorike në total të ushqimit.
3. Konsumimi i tepërt i ushqimeve me përmbajtje të lartë yndyre shtazore.
Nga kjo shkaktohet steatoza. Këshillat ushqimore më poshtë janë të drejtuara për personat që kanë një steatozë, hiperlipidemi dhe probleme të tjera me mosfuksionimin e mirë të heparit.
Së pari një person me steatozë dhe mbipeshë do të duhet të ketë si qëllim një peshë normale.
Së dyti, ushqimet që duhet të përmbajë në dietën e personit duhet të ketë një kujdes të madhe të ushqimet me përmbajtje të lartë të yndyrës shtazore.
Sipas Gazeta Shëndeti këto janë ushqimet që na ndihmojë për shëndetin dhe mbarëvajtjen e mëlçisë tonë:
Hudhra dhe qepa janë dy super ushqime për mëlçinë tuaj, pasi përmbajnë sulfur i cili ndihmon në detoksifikimin e mëlçisë tonë. Hudhra përmban alisin dhe selen që kanë një veti të lartë antioksiduese.
Çaji jeshil përmban katehina të cilat parandalojnë depozitimin e masës dhjamore në zonën abdominale, e cila lidhet drejtpërdrejt edhe me dhjamosjen e mëlçisë steatosen.
Agrumet si limoni, mandarina, portokalli përmbajnë një sasi të lartë në vitaminë C , antioksidues dhe glutathione që janë të dobishëm për mëlçinë që të kryejë detoksifikimin. Qitroja gjithashtu rekomandohet të përdoret pasi parandalon depozitimin e masës dhjamore, por kujdes, jo nëse jeni nën kurimi me mjekime.
Milk Thistle – Është një gjembac me veti shumë të dobishme për përforcimin e fuksionit të mëlçisë tonë. Substanca me emrin silimarin që përmban, përveç vetive antioksiduese që ka, kuron nga dëmtimet e oksidimit duke stimuluar riprodhimin e qelizave të reja të mëlçisë dhe ndihmon në parandalimin e inflamacionit të mëlçisë. Mund të merret si çaj por edhe si suplement.
Shafran Indie ose Tumerik – Shafrani i Indisë përmban një substancë që quhet kurkumin, i cili ka një efekt të dyfishtë si antioksidues edhe si anti-inflamator. Stimulon rigjenerimin e qelizave të mëlçisë, kontribuon në uljen e yndyrave si kolesteroli LDL që lidhet drejtpërdrejt me steatozën.
Perimet me ngjyre jeshile dhe erëzat bimore si majdanozi, koliandër, rigon, rozmarina përmbajnë fitokimikate, klorofil, kripëra minerale dhe fibra që ndihmojnë në uljen e inflamacionit, në prodhimin e enzimave, në oksigjenimin më të mirë të mëlçisë, gjithashtu dhe në pastrimin e mëlçisë nga toksina, mbetje metabolike dhe metale të rënda. (J.V/Shuplaka)
