Vajzat e ish-presidentit amerikan George W. Bush i kanë dërguar një letër vajzave të presidentit Obama që brenda pak ditësh priten që të lëshojë postin, ku i kanë dhënë disa këshilla për jetën pas largimit nga Shtëpia e Bardhë.
Vajzat e Bush, Barbara dhe Jenna, ju uruan Sasha dhe Malia Obaman që i kanë mbijetuar presionit të pabesueshëm të Shtëpisë së Bardhë, duke i uruar mirëseardhjen në grupin e vogël të ish-Fëmijëve të Parë, shkuan CCN. “Do të shkruani historinë e jetës përtej hijes së prindërve tuaj të famshëm,por do të keni gjithnjë me vete eksperiencën e fituar gjatë tetë viteve të fundit,” shkruhet në letër.
Vajzat Bush inkurajojnë motrat Obama që të shijojnë kolegjin dhe të vlerësojnë momentet e kaluara në Shtëpinë e Bardhë, që ka formuar jetët e tyre. “Mësoni nga gjithçka që keni parë, njerëzit që keni njohur, mësimet që keni marrë dhe lejoni që kjo t’ju shtyjë drejt një ndryshimi pozitiv,” shkruajnë motrat Bush.
Pas përfundimit të mandatit të George Bush, Jenna u bë mësuese, shkrimtare dhe më pas korrespondente lajmesh për NBC News. Barbara Bush u bë aktiviste e kujdesit ndaj shëndetit. Nga ana tjetër, Malia Obama pritet të hyjë në Universitetin e Harvard-it këtë vit. Sasha Obama, që në fillim të presidencës së të atit ishte fëmija me moshën më të vogël që ka jetuar ndonjëherë në Shtëpinë e Bardhë pas qeverisjes së Kennedy, është pranë përfundimit të gjimnazit në Washington. (J.V/Shuplaka)
