Kryetari i grupit parlamentar i LSI, përmes një postimi në Facebook, shkruan se për shkak të qeverisë, orientimi strategjik ndaj SHBA dhe BE është i tronditur thellë.
Vasili shkruan se kjo vjen si pasojë e interesave të errëta që kanë kapur peng kryeministrin.
“Realitete ekstraamerikane te lyera me bojen e interesave ekonomike te zymta po ju vihen ne tavoline shqiptareve si zgjidhje me te “embla” dhe me te “kendshme” se sa sprova e demokracise se forte,parimore dhe te panegociueshme amerikane e cila e shendosh Shqiperine dhe e ben ate nje realitet te qendrueshem politiko social.” – shkruan Vasili.
Vasili shkruan më tej se kërkesa e SHBA dhe BE për vendosjen e shtetit ligjor po shantazhohet nga kryeministri Edi Rama.
“Shqiptaret jane shume te qarte ata kane vetem nje bosht strategjik, qe kalon nga SHBA dhe BE dhe tek vlerat fondamentale qe inspirohen ne Uashington e Bruksel dhe jo tek perkthimet e shtrembura lokale.
Ky kryeminister qe sot rastesisht qeveris vendin dhe qe qe e minon kete orientim strategjik do te refuzohet me force dhe me cdo cmim edhe nga Shqiptari me i fundit.” – shkruan deputeti i LSI.
Petrit Vasili përfundon reagimin e tij se ky refuzim mbarëkombëtar ndaj këtij komunizmi ” të ri” izolues të parave të pista është sot një mision i shenjtë kombëtar.
(E.L/Faxweb)
Discussion about this post