Petrit Vasili është zgjedhur në mënyrë unanime kryetari i LSI. Zgjedhja ka ardhur nga Konventa e LSI që u mbajt në pallatin e sportit Asllan Rusi.
“Forcë e parë, forcë e parë, nuk kemi alternativë tjetër. Sot në këtë sallë është e gjithë historia jonë e gjatë dhe e shkurtër. Historia e fitores, e përkushtimit, dedikimit ndaj qytetarëve. Jemi këtu, nuk ka sallë që na mban. Jemi të tillë pasi kemi një Shqipëri që beson tek Shqipëria me rini. Prandaj jemi një LSI që vetëm rritet. Konventa jonë Kombëtare mbahet në një moment delikat, moment të qartë krize politike, që bën të qartë se kush është forcë e përgjegjshme politike dhe cila jo, cila vë interesat e vendit mbi ato vetjaket dhe cila jo. LSI dhe Ilir Meta kanë bërë gjiithcka për të evituar këtë krizë dhe krizat e tjera ku ndodhet vendi. LSI ka krijuar me shumë qetësi dhe stabilitet për vendin, pa të cilat Shqipëria do ishte në qorrsokak. Ilir Meta nuk ishte ai që ndodhi Presidentin, por Presidenca që zgjodhi atë në këto moment decisiv për vendin. Shqipërinë e kanë gërryer pabesitë e të gjitha formave.
Ne jemi të palodhur. Detyra kryesore është të krijojmë një Shqipëri në paqe. Kemi skuadra elektorale të njohura njerëzish të barabartë në Shqipëri. Rruga jonë është e qartë, fitojmë me tre armë: modesti, këmbëngulje dhe thjeshtësi. Nëse përfaqësuesit tani do të flasin me arrogancë nuk do të jenë me ne sepse nuk është arroganca dimensioni ynë”,- tha Vasili.
Po ashtu është zgjedhur zv/kryetare e parë LSI Monika Kryemadhi gjithashtu në mënyrë unanime.
(M.D/Shuplaka)
