Vdekja e nënës bashkë me fëmijën në Kukës, kush do të marrë në kujdestari 6 vajzat jetime

Nëna 39-vjeçare me inicialet N.P e cila humbi jetën së bashku me foshnjën në Maternitetin e Kukësit, ka lënë 6 fëmijë jetim.

Punonjësja e shërbimit social në bashkinë e Kukësit, Lirie Gjana, në një prononcim për mediat është shprehur se është kompetencë e Bashkisë për t’u gjetur një strehim vajzave jetime, por vetëm në momentet kur do të përgjigjen familjarët e tyre.

Gjithashtu ajo u shpreh se dje ka qenë e pamundur të bisedoje me fëmijët pasi ishin në gjendje shoku.

“Gjej rastin të shpreh ngushëllimet për zonjën, për fëmijët jetim të cilët sot janë pa të dy prindërit. Ndihem pak keq në këtë situatë. Kjo familje nuk ka qenë jashtë vëmendjes së shërbimeve sociale.Kemi vite që jemi marrë më këtë familje duke ofruar të gjitha shërbimet e mundshme që ne këmi në dispozicion si Bashki.

Dje ka qenë e pamundur të bisedoje me fëmijët pasi ishin në shok. Kemi biseduar me vëllezërit e zonjës së ndjerës, të cilët po përkujdesen për vajzat. Situata e fëmijëve është normalizuar, por kanë nevojë të vazhdueshme për psikolog.

Ligji për mbrojtjen e fëmijëve është shumë i qartë, do të kontaktojmë të afërmit të cilët kanë të drejtën të marrin kujdesatarinë. Qëllimi kryesor është që fëmijët të rriten së bashku. Në do të presim vendimin e familjarëve të cilët na kanë thënë së do të mblidhen nesër.

Kemi filluar procedurat tona për të plotësuar ceretefiktat që ato të marrin statusin e jetimit. Është kompetencë e bashkisë për t’u gjetur një strehim, në një ambjent të përshtashëm dhe të denjë, por vetëm në momentet kur do të përgjigjen familjarët e tyre. Nëse nuk do të këtë kujdestarë do të strehohen në institucion. Çdo familje kujdestare, që përkujdeset për fëmijët jetim, merr për secilin fëmijë 9000 mijë lek të reja në muaj.”

https://www.youtube.com/watch?v=Thvy8D4ANKU&feature=youtu.be

(M.Q/Faxweb)