Ngricat dhe i ftohti në vend kanë rritur tragjikisht numrin e viktimave. Nëse 5 nga vdekjet kanë qenë si pasojë e të ftohtit dhe viktimat kanë qenë të pastrehë dhe endacakë, larg vëmendjes së puishtetit lokal, dy viktimat e sotme e kanë humbur jetën në mënyrë aksidentale.
Fillimisht ka qenë një 40-vjeccar në qytetin e Fierit ai i cili ka rënë brenda në rezervuar pas ccarjes së akullit. Hajredin Xhelo, babai i dy fëmijëve ishte bari nga fshati i Patovës në Mbrostar. Për të nxjerrë trupin e tij nga rezervuari është dashur ndërhyrja e polumbarëve.
Ndërkohë një tjetër viktimë është shënuar në liqenin e Mëzet ku një 12-vjeçar F. Gurakuqi me iniciale që po luante mbi akull së bashku me motrën e tij, E. Gurakuqi 15 vjeçe, kanë rënë brenda pas thyerjes së akullit.
Fatmirësisht, 15-vjeçarja është arritur të nxirret në kohë, ndërkohë që pritet ardhja e polumbarëve për nxjerren e trupit të pajetë të të miturit. Sipas burimeve të policisë, liqeni ishte pjesërisht i ngrirë. (E.K/SHUPALKA)
