Ditën e sotme Këshilli i Ministrave ka vendosur t’i kalojë Bashkisë së Tiranës pronësinë e ‘’Piramidës’’ . pronësi të cilën më parë e kishte Ministria e Kulturës.
Në vendim theksohet se ‘Piramida’ do të shërbejë gjithashtu edhe si një qendër shumëfunksionale, për organizmin e aktiviteteve të ndryshme, ekspozitave, dhe eventeve të tjera me natyrë të ngjashme, promovimin e artit , kulturës dhe teknologjisë. Kështu ‘Piramida’ do risillet sërish në jetë.
Ky vendim bazohet në mbështetje të nenit 100 të Kushtetutës, të neneve 13 e 15, të ligjit nr.8743, datë 22.2.2001, “Për pronat e paluajtshme të shtetit”, të ndryshuar, dhe të neneve 3, shkronja “d”, 5, 8, 17 e 18, të ligjit nr.8744, datë 22.2.2001, “Për transferimin e pronave të paluajtshme publike të shtetit në njësitë e qeverisjes vendore”. Vendimi pritet të hyjë në fuqi pas botimit në ‘Fletoren Zyrtare’.
Discussion about this post