Prej disa ditësh në Berat, por dhe më gjerë flitet për vethelmimin e 15 vjeçares, Adela Caci, banore e fshatit Duhanas në Berat.
Drejtori i shkollës, Refik Koci, përjashton çdo shenjë bullizmi ndaj vajzës gjatë qëndrimit të saj në shkollë. Koci ja ka lënë në dorë drejtësisë, shkaqet e ngjarjes që i mori jetën vajzës, të cilën e cilëson si nxënse të mirë, pozitive dhe që nuk shfaqte shenja bullizmi.
Po kështu dhe shoqet e vajzës, shprehen se ajo ishte shumë e dashur dhe e qeshur dhe sipas tyre nuk kishte asnjë motiv ti jepte fund jetës.
Sipas babait të djalit, që akuzohet për kanosjen e Adela Cacit, Ilirjan Kovaci tha që dy të rinjtë kishin një raport bashkë, ndonëse ende të vegjël dhe mund të lidheshin më vonë.
Kjo nuk është pranuar nga prindërit e vajzës për shkak të racës.
“Ishin në shkollë bashkë. I kam parë dhe vetë nja dy apo tre herë jashtë shkollës. Për gjërat e tjera nuk di gjë. Mua më vjen keq për familjen e vajzës sepse unë e mendoj atë si vajzën time. Ja kemi lënë në dorë drejtësisë, por djali im është i pafajshëm. Nuk përputheshin karakteret, ata nuk donin sepse ne jemi komunitet egjiptian. Po të ishte gjallë ne do ta donin si vjzën tonë, si nusen e djalit tonë. Babai i vajzës i tha djalit tim para pallatit, që nuk ke punë me vajzën time”, u shpreh Kovaci.
Adela Çaci, nxënëse e shkollës së mesme profesionale “Kristo Isak” në qytetin e Beratit, në kushte të rënda psikologjike, helmoi veten para dy ditësh.
Adoleshentja kishte disa ditë që merrte mesazhe kërcënuese nga një bashkëmoshatar i saj, D.K, po nxënës i së njëjtës shkollë, i dërgonte 16-vjeçares mesazhe elektronike në telefon, ku i kërkonte para në këmbim të mospublikimit të një filmimi që posedonte në telefonin e tij. 17-vjeçari dyshohet se kishte të ruajtur në telefon një video, ku Adela Çaçi shfaqej në momente intime me të dashurin e saj.
Ndërkohë Gjykata e Vlorës ka caktuar sot masën e sigurisë “arrest me burg” për shtetasin me iniciale, D.K, 16 vjeç nga Berati, që kanosi me publikimin e materialit filmik të natyrës intime të miturën Adela Çaci, e cila e gjendur në këtë trysni i dha fund jetës pak ditë më parë.
