Fax News mëson detaje të reja nga arrestimet e 3 të rinjve që janë arrestuar për vrasjen e Jurgen Kurtit.
Personat e arrestuar janë Elsi Levendi, 21 vjeç, lindur në Athinë/Greqi dhe banues në Tiranë, Alesio Berberi, 33 vjeç, lindur dhe banues në Patos, Fier, si dhe Olsi Qalliaj, 23 vjeç, lindur në Fier dhe banues në Patos.
Në fotot e publikuara më poshtë shfaqet 23-vjeçari Qalliaj, i cili duket se bën një jetë luksoze, dhe ka në pronësinë e tij disa makina luksoze.
Burime bëjnë me dije se shtetasit e mësipërm kanë qenë miq me njëri-tjetrit, dhe dyshohet se kanë vepruar si vrasës me pagesë. Nga ana tjetër nga ana e Policisë është shpallur në kërkim dhe një person i katërt, emri i të cilit nuk bëhet i ditur.
Ende nuk ka një motiv të deklaruar nga ana e Policisë për ngjarjen e ndodhur, ndërsa hetimet vijojnë për identifikimin e personave të tjerë që mund të jenë të përfshirë.
Policia gjatë kontrollit fizik dhe në banesat e këtyre shtetasve gjeti dhe sekuestroi një automjet që u ka shërbyer autorëve për tu larguar nga vendi i ngjarjes, si dhe dy makina të tjera luksoze.
Gjithshtu u gjet dhe një armë zjarri “Pistoletë TT”, fishekë luftarak, një sasi prej 2470 Euro e lekë shqiptare, 13 aparate celular, si dhe një sasi e vogël lënde narkotike.
(E.K/FAXWEB.AL)
Discussion about this post