Reshje të dendura shiu dhe breshëri përfshinë disa fshatra si dhe qytetin e Elbasanit sot pasdite.
Stuhitë ishin aq të forta sa breshëri zbardhi vendin dhe dëmtoi mjaft të mbjella, vreshta, perime dhe dru frutorë.
Sipas raportimeve të ardhura nga fshatrat rezulton se, kjo stuhi ka shkaktuar mjaft dëme në bujqësi për shkak se gjithçka tashmë ndodhet në fazën e pjekjes.
Dëme të mëdha janë shkaktuar në fshatin Godolesh, ku shiu dhe breshëri kanë dëmtuar plantacionet me qershi.
Sipas banorëve të fshatit, dëmi është i pallogaritshëm pasi ky është momenti kur qershitë vilen dhe dalin në treg.
Por edhe në fshatra të tjerë raportohet se breshëri ka dëmtuar sera, parcela me grurë, vreshta, pjeshkë dhe dru frutorë.
(F.GJ/FAXWEB.AL)
