Qyteti i Lushnjes është tronditur ditën e sot nga një ngjarje e rëndë, ku kryetarit të bashkisë Fatos Tushe i vendosën lëndë plasëse në zyrë, që dyshohet se është granatë.
Sipas informacioneve të para policia dyshon se autori është Gëzim Saraçi, ish shofer i kryebashkiakut Fatos Tushe.
Nga shpërthimi ka mbetur i plagosur kryebashkiaku Fatos Tushe si dhe sekretarja e tij Erisa Qalliu. Pas ndihmës së parë që kanë marrë në spitalin e Lushnjes, Tushe dhe Qalliu u sollën drejt Tiranës për mjekim më të sepcializuar, ndërkohë që raportohet se janë jashtë rrezikut për jetën.
Ndërkohë në ambientet e spitalit të Traumës, Tushe u vizitua edhe nga deputetët socialist, kryeparlamentari Gramoz Ruçi, Taulant Balla, Bashkim Fino si dhe nga ministrija e Shëndetësisë Ogerta Manastirliu.
Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve
Nga veprimet e para hetimore dyshohet se autor i kësaj ngjarjeje është ish-shoferi i Kryetarit të Bashkisë, shtetasi G. S., i cili pasi ka hedhur granatën është larguar menjëherë nga ambientet e Bashkisë Lushnjë.
Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.
Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.
(M.Q/Faxweb.al)
Discussion about this post